Ao peche da Oficina de Atención ao Deportivista este mércores, 545 dos 691 homenaxeados polos seus 25 anos ininterrompidos como socios do RC Deportivo xa retiraron a súa acreditación para acceder directamente ao salón no que se celebra a gala.
As galas anuais de entrega de Insignias de Ouro e Prata correspondentes á Temporada 2016-2017 terán lugar mañá xoves 15 de xuño, cun acto para os socios que cumpren 50 anos de antigüidade ininterrompida no Hotel Meliá María Pita e outro para os abonados que alcanzan os 25 anos no Palacio de Exposicións e Congresos da Coruña.
O RC Deportivo quere, deste xeito, recoñecer e agradecer o apoio incondicional ao Club e ao equipo por parte destes socios, como vén facendo desde fai varios lustros.
A Gala de Entrega de Insignias de Ouro, á que cada un dos 15 homenaxeados asistirá con, polo menos, un acompañante, terá lugar no Hotel Melía María Pita (Avenida Pedro Barrié da Maza, 3), a partir das 14:00 horas. Unha vez concluída a entrega de insignias compartirán unha comida.
Os homenaxeados polo seu medio século de fidelidade tamén terán protagonismo pola tarde-noite, xa que tamén están convidados á Gala de Entrega de Insignias de Prata, que se celebrará no Palacio de Exposicións e Congresos da Coruña (Palexco) a partir das 20:00 horas.
Serán 691 os abonados que recibirán a súa insignia de prata, nun acto para o que se abrirán as portas ás 19:00 horas. Para axilizar a súa chegada, os homenaxeados poden retirar a súa acreditación como 'Socio de Prata' na Oficina de Atención ao Deportivista situada en Riazor (Avenida da Habana s/n), mañá xoves, unicamente en horario de mañá (10:00 a 13:30 horas), ou ben pola tarde desde as 19:00 en Palexco.
Debido ao elevado número de socios que recibirán as insignias, o acto está excluvisamente reservado aos homenaxeados, non sendo posible acudir con acompañante. Ao finalizar o acto servirase un cóctel.
Consulta aquí a listaxe completa de Socios de Ouro e Prata 2017 do Real Club Deportivo