RCDeportivo RCDeportivo RCDeportivo
Skip to main content
GL
PORTADA

As entradas para o Espanyol-Dépor do domingo, xa á venda na OAD

O RC Deportivo pon á venda esta tarde na Oficina de Atención ao Deportivista as entradas para o encontro da 6ª xornada de LaLiga Santander ante o RCD Espanyol, o vindeiro domingo 24 ás 12:00 horas no RCDE Stadium.

As entradas, correspondentes á zona 230 (esquina entre Tribuna e Gol Sud, bandexa superior da bancada), teñen un prezo de 25 euros.

Cada socio poderá adquirir un máximo de 2 entradas e será imprescindible mostrar o DNI do destinatario dos billetes, pois serán nominativos.

Segundo o protocolo que segue o RCD Espanyol, "deberase escribir en cada entrada o nome e DNI do afeccionado do RC Deportivo que a adquiriu (de forma manuscrita no reverso ou térmica mediante AVET), sendo a mesma de carácter persoal e intransferible. Nos tornos de acceso ao estadio, esixirase a presentación do DNI xunto coa entrada, e deberá coincidir o nome da persoa de ambos os documentos. En caso contrario, denegarase o acceso ao interior do recinto aínda sendo portador dunha entrada válida".

Os afeccionados interesados teñen ata mañá xoves ás 19:00 horas, hora de peche habitual da OAD, para adquirir as entradas que desexen, mentres que os peñistas deberán xestionalas a través da Federación de Penas.