O sábado 25 ás 19:30 o campo número 5 da Cidade Deportiva de La Torre acollerá un derbi solidario entre peñas e veteranos do RC Deportivo e o RC Celta.
Membros das agrupacións "Míticos de Riazor" e "Norte Celeste", reforzados polos veteranos do Dépor e o Celta disputarán un partido co fin de recadar fondos e material deportivo infantil para a ONG "Camiña Nepal".
A ese obxectivo principal únense, ademais, os de promover as boas relacións entre ambos clubs e afeccións e potenciar os valores do fútbol en xeral e deste como medio solidario en particular.
