Coa campaña de abonos na súa terceira fase e tras o axuste da zona de afección visitante para o partido contra o Real Madrid, o xoves 17 de agosto ponse á venda un bloque de entradas de Pavillón Superior para o encontro da 1ª xornada de LaLiga Santander fronte ao Real Madrid, o domingo 20 de agosto ás 22:15 horas.
O prezo de cada localidade é de 85 euros. Tamén están dispoñibles billetes para este encontro para as localidades de Tribuna Superior (120 euros), Tribuna Inferior (110), Preferencia Superior (100) e Marathón Superior (90). Estas entradas dispoñibles da bancada de Pavillón Superior soamente poden comprarse de forma presencial nas instalacións do Estadio ABANCA-RIAZOR.
Xoves e venres na Oficina de Atención ao Deportivista no seu horario habitual de 10:00 a 14:00 e de 16:00 a 20:00 horas. O sábado 19 unicamente pola mañá de 10:30 a 13:30 h. e o domingo, día do partido, xa nos despachos de billetes do Pazo dos Deportes de Riazor desde as 11:00 h. e ata o comezo do choque (abonos só ata as 14:00 h.).
Tamén se poden adquirir entradas para o Deportivo - Real Madrid (excepto as de Pavillón Superior) a través de internet na páxina http://www.rcdeportivo.
