Os deportivistas que desexen acudir a Mestalla a animar ao Dépor no partido que lle enfrontará ao Valencia, correspondente á 29ª xornada de LaLiga (domingo 2 de abril, 18:30 h.) teñen á súa disposición entradas en Riazor.
As entradas dispoñibles corresponden á zona Gol Xicotet e o seu prezo unitario é de 10 euros. Cada socio do Deportivo pode adquirir 2 entradas por carné, debendo presentar o DNI dos usuarios finais das localidades. As peñas deben contactar coa Federación de Peñas para xestionar as localidades.
As entradas poden comprarse, ata o xoves 30 de marzo ás 13:30 horas, no horario habitual da Oficina de Atención ao Deportivista, de luns a venres, de 10:00 a 13:30 e de 16:30 a 19:00 horas.
