Mujaid mídese mañá xoves a México coa Selección Española Sub-17 nun amigable
O canteirán Mujaid Sadick Aliu foi convocado pola Selección Española Sub-17 para un partido amigable ante México, que terá lugar mañá xoves 21 de setembro ás 11:30 horas no Marbella Football Center, da citada localidade malagueña.
O defensa deportivista incorporouse á concentración do equipo nacional o pasado luns 18 de setembro, tras o encontro que o Xuvenil A empatou (1-1) en Xixón ante o Llano 2000.
Mujaid, un dos fixos para o técnico Rubén Coméndez no centro da zaga, xa se adestrou nalgunha ocasión a temporada pasada co primeiro equipo, ás ordes de Pepe Mel.