RCDeportivo RCDeportivo RCDeportivo
Skip to main content
GL
ACTUALIDADE

O Dépor ABANCA afronta o domingo o primeiro partido da Copa Galicia

Manu Sánchez, técnico do Deportivo ABANCA, citou a 17 futbolistas para o partido do domingo (16:30 horas) en Ponte dos Brozos (Arteixo) ante a Peluquería Mixta Friol, pertencente á primeira xornada da Primeira Fase da Copa Galicia, competición de recente creación que xogan todos os equipos galegos de Segunda División Nacional.

As xogadoras citadas para o encontro son as seguintes: Malena, Sheila, Cris, Miga, Laura, Miriam, Patri, Teresa Abelleira, Iris, Kika, Gaby, Estefi, Sara, Jone, Peke, Lía e María Corral.

Na convocatoria do Deportivo ABANCA atópase Teresa Abelleira, que esta semana disputou como titular dous partidos coa Selección Española Sub-19 fronte a Italia e marcou un gol.

Para este partido a entrada ao recinto deportivo arteixán será gratis para todos os afeccionados.