RCDeportivo RCDeportivo RCDeportivo
Skip to main content
GL
PORTADA

O Dépor leva a 19 futbolistas a Sevilla, incluído o fabrilista Francis, para medirse mañá ao Betis

Ao finalizar o adestramento de hoxe venres, Pepe Mel fixo pública a lista de 19 xogadores convocados, incluído o meta fabrilista Francis, para o partido de mañá sábado 16 de setembro no Estadio Benito Villamarín ante o Real Betis (18:30 horas, Bein LaLiga). quedaron fóra da citación por lesión Pedro Mosquera, á espera de completar as probas médicas da súa coxa dereita; Rubén Martínez e Carles Gil. Os tres futbolistas están á marxe do grupo.

Esta mañá, o equipo realizou rondos, un exercicio de presión e, para concluír, fútbol en espazo reducido.

Os futbolistas convocados desprázanse esta tarde a Sevilla, con este plan de viaxe:

Venres 15 de setembro
18:00: Saída do voo do Aeroporto da Coruña con destino ao Aeroporto de Sevilla
19:15: Chegada a Sevilla e traslado ao hotel NH Central Convenciones

Sábado 16 de setembro
18:30: Betis - Deportivo, no Benito Villamarín
22:00: Saída do voo do Aeroporto de Sevilla con destino ao Aeroporto da Coruña
23:00: Chegada aproximada ao Aeroporto da Coruña

O cadro regresará aos adestramentos o domingo 17 de setembro ás 10:30 horas en Abegondo.