RCDeportivo RCDeportivo RCDeportivo
Skip to main content
GL
PORTADA

O equipo adestrouse en Abegondo dividido en dous grupos

O primeiro equipo deportivista adestrouse hoxe en Abegondo dividido en dous grupos. Os xogadores titulares onte no Estadio Benito Villamarín tiveron tarefas de recuperación, con ximnasio e masaxe. Unicamente Guilherme saltou ao céspede, onde realizou carreira continua e estiramentos.

Para o resto do conxunto, o adestramento foi de alta intensidade, con rondos e enfrontamentos en espazo reducido (un contra un, tres contra tres...)

Sidnei tivo tratamento médico e de fisioterapia, a consecuencia dunhas molestias no tendón rotuliano do seu xeonllo dereito, pendente de evolución nas próximas horas. Pedro Mosquera traballou no ximnasio e Rubén co readaptador, Fran Molano.

Mañá luns, o equipo está citado en Abegondo ás 18:30 horas, para comezar a preparar xa a visita do Deportivo Alavés ao Estadio ABANCA-RIAZOR, en partido da 5ª xornada de LaLiga Santander, prevista para este mércores 20 de setembro ás 21:00 horas (Bein LaLiga).