O Real Club Deportivo, na súa procura constante da mellor atención e servizo aos seus seguidores, decidiu activar os servizos Destino Arteixo e Destino Abegondo para que os socios e afeccionados do Dépor poidan acudir dun modo económico, cómodo e sinxelo aos partidos que disputan o Deportivo Abanca en Ponte dos Brozos e o Fabril na Cidade Deportiva de Abegondo.
As rutas propostas en cada un dos Destinos son as seguintes:
Destino ABEGONDO: Deportienda Riazor - Praza de Ourense - Alfonso Molina (Praza de Madrid, fronte Estación Autobuses) - Cidade Deportiva de Abegondo.
Destino ARTEIXO: Deportienda Riazor - Praza de Ourense - Glorieta Estación Tren - Ponte dos Brozos, Arteixo.
En ambos os destinos, a saída desde a Deportienda de Riazor realizarase unha hora antes do momento fixado para o inicio de partido e o regreso terá lugar 15 minutos despois de finalizado o encontro.
O procedemento de inscrición é exactamente o mesmo que en Destino Riazor:
Destino Abegondo: Remitir mail a destinoabegondo@rcdeportivo.es indicando nome, apelidos, DNI, Nº de abono, teléfono e correo electrónico.
Destino Arteixo: Remitir mail a destinoarteixo@rcdeportivo.es indicando nome, apelidos, DNI, Nº de abono, teléfono e correo electrónico.
Primeira xornada de Destino Arteixo e Destino Abegondo:
· Apertura de prazo inscrición para ambos os casos: martes 17 de xaneiro de 2017
· Peche de prazo de inscrición para ambos os casos: martes 24 de xaneiro de 2017
· Mínimo 30 persoas para activarse a ruta e máximo 55. Segundo demanda se axustará o número de autobuses.
· Custos: socios gratis. Non Socios : 12€ entrada incluída.
· Publicación rutas activadas e horarios definitivos: xoves 26 de xaneiro de 2017
