O canteirán Mujaid Sadick Aliu foi convocado pola Selección Española Sub-17 para un partido amigable ante México, que terá lugar o xoves 21 de setembro ás 11:30 horas no Marbella Football Center, da citada localidade malagueña.
O defensa deportivista incorporarase á concentración do equipo nacional o luns 18 de setembro, tras o encontro que o Xuvenil A xogará en Xixón ante o Llano 2000.
Mujaid, un dos fixos para o técnico Rubén Coméndez no centro da zaga, xa se adestrou nalgunha ocasión a temporada pasada co primeiro equipo, ás ordes de Pepe Mel.
