Os 200 nenos do DéporCampus Cabreiroá 2017 teñen actividade normal mañá, día do Apóstolo
Esta semana, do 24 ao 28 de xullo, a actividade dos DéporCampus Cabreiróa 2017 reúne a 200 nenos distribuídos na quinta e última quenda de Abegondo, Ordes e Monforte.
Mañá martes 25 de xullo, festividade do Apóstolo, haberá actividade normal nas tres sedes.
Este ano, a sede central na Cidade Deportiva de Abegondo pasou de 3 a 5 semanas de actividade (a última de xuño e todo xullo). Os DéporCampus Cabreiroá estrearon ademais 4 sedes: As Pontes, Santiago, Ordes e Zas, que se sumaron ás xa existentes en Abegondo, Viveiro, Rianxo, Bertamiráns, Ferrol, Monforte e Xenebra (Suíza).
O RC Deportivo organiza esta actividade dirixida polos técnicos do Club co obxectivo de transmitir habilidades e conceptos futbolísticos, ademais dos valores que representa o Dépor: respecto, solidariedade, amizade, xogo limpo, integración, esforzo e felicidade.
Máis aló das actividades, o equipamento deportivo (composto de camiseta, pantalón e medias), a froita e o zume diarios, o diploma final, a visita dun dos xogadores do primeiro cadro deportivista (sempre dentro das posibilidades do calendario do equipo) e un sorteo final de agasallos, son outros dos atractivos dos DéporCampus Cabreiroá, que teñen un horario de mañá de 10:00 a 14:00 horas.