Fojón (de pé, no centro) e Deus (de pé, á dereita) teñen un pasado común co Dépor e Cantigas
Esta foto e moitas máis da historia do RC Deportivo en RECORDOS
O Coro Galego Cántigas dá Terra, unha entidade cultural cunha estreita relación coas orixes do Dépor, cumpre hoxe, 28 de decembro de 2016, cen anos de vida.
A Coruña, nos inicios do Século XX, era unha urbe dinámica, chea de personaxes interesantes que van fundar as sociedades deportivas (1906) e culturais (1916) de referencia das que os veciños da cidade gozan aínda hoxe en día.
Unha investigación conxunta levada a cabo polo arquiveiro do coro, Ramón Rodríguez, e o xornalista Rubén Ventureira, descubriu que varias figuras comparten un pasado común no Dépor e en Cántigas. Salvador Fojón Pardiñas foi o primeiro porteiro deportivista e igualmente foi o vogal da directiva fundacional do coro. Venancio Deus Gómez, defensa na primeira aliñación branquiazul, foi o baixo na primeira actuación de Cántigas. E Anxo García Docampo 'Angelito", primeiro xogador da historia do Club en militar dez temporadas no equipo, tamén foi director artístico do coro.
Por iso, o Real Club Deportivo, quere felicitar a Cantigas dá Terra no seu centenario, desexando aos seus actuais reitores que sigan mantendo a paixón pola conservación dos nosos signos de identidade, como embaixadores sobranceiros que, ao igual que o Dépor, son da Coruña e de Galicia polo mundo dende hai xa un século.
