Garitano ensaia o plan para frear ao Athletic Club
Gaizka Garitano ensaiou esta mañá cos seus futbolistas, incluídos os fabrilistas Óscar e Nacho Monsalve, a estratexia para frear este sábado 11 de febreiro (18:30, Bein Sports) ao Athletic Club.
Así, o técnico deportivista incidiu no campo 2 en centros á área, remates e despexes; e, a continuación, movementos ofensivos sen balón ao espazo.
Un partido once para once puxo o punto e final ao adestramento sobre o céspede.
Só Davy Roef, cunha escordadura de nocello, exercitouse á marxe co readaptador, Fran Molano.
Mañá xoves haberá un novo adestramento, ás 11:00 na cidade deportiva.