Florin Andone foi o protagonista na sala de prensa de Abegondo, nada máis concluír a sesión de adestramento de hoxe mércores.
Nos días previos ao partido ante o Alavés en Riazor (sábado 18 de febreiro, 18:30, Bein Sports), recoñece ter "moitísimas ganas de xogar na casa porque levamos tres ou catro semanas sen xogar. Pódeste imaxinar as ganas que temos de xogar aquí na casa, coa nosa afección. Sentir que estamos apoiados, sentirnos cómodos, sentirnos tranquilos e apoiados por xente que nos quere e apóianos incondicionalmente".
Vaticina iso si un partido "moi difícil ante un rival que a min persoalmente non me gusta nada enfrontarme a el. Son xogadores fodidos, fortes, rochosos, intensos. A min non me gusta ese tipo de rival".
Solicita para vencer estas dificultades o apoio do deportivismo: "Que a xente estea connosco, que o estadio estea o máis cheo posible porque o necesitamos. Todos unidos podemos sacar isto adiante. Nós sós non, seguro".
O internacional romanés asegura que, tras cinco partidos sen gañar, "é un momento un pouco delicado, para estar unidos e para sacar isto adiante. Aínda facéndoo mal estamos nunha situación tranquila, a 3 puntos do descenso cun partido menos. Todo depende de nós. Estou moi tranquilo".
O pichichi deportivista cre que neste ano 2017 "ningún rival pasounos por riba". Lembra os empates ante Espanyol, Las Palmas, Alavés (Copa, ida e volta), "o outro día perdemos 2-1 no minuto 90. Estamos aí, estamos a competir". "Estou seguro que esta fin de semana gozaremos da primeira vitoria en 2017", subliña.
Apunta Florin Andone que está "moi tranquilo porque temos xente que quere mellorar, con moita fame, con moita actitude, con moitas ganas de facer as cousas ben, de demostrar. Estou seguro que será cuestión de tempo ata que volvamos coller unha xeira de vitorias seguidas ou uns partidos sen perder sumando puntos, que nos fará fortes".
De todos os xeitos, é consciente que "os resultados están aí. Non gañamos neste 2017. Algo non faremos ben do todo para non gañar. Pero temos que seguir nesta liña da mesma actitude, o mesmo xogo e seguro que os partidos tamén van caer do noso lado".
Insiste en que a actitude "ten que ser a que temos agora mesmo, sempre con ganas de gañar, con ganas de facer as cousas ben. Neste vestiario iso sobra. O equipo ten moita actitude, moitas ganas de traballar, moi comprometido todo o cadro. Seguro que sacaremos isto adiante".
Pide por conseguinte "manter a mesma actitude, a mesma esencia que temos de xogar ao fútbol, as ideas que nos transmite o adestrador e ir con elas a matar. Seguro que ao final nos van a acompañar para sacar bos resultados".
