RCDeportivo RCDeportivo RCDeportivo
Skip to main content
GL
PORTADA

A Coruña despide ao exalcalde e deportivista Domingos Merino

Domingos Rafael Merino Mexuto, insigne xadrecista do Dépor e ex alcalde da Coruña, falecido o pasado martes 30 de xaneiro aos 79 anos de idade, recibiu hoxe a despedida de todos os coruñeses no salón de plenos do palacio de María Pita.

Domingos Merino foi o primeiro rexedor herculino elixido as urnas após a aprobación da Constitución Española e tamén o primeiro de ideoloxía nacionalista, entre o 19 de abril de 1979 e o 25 de marzo de 1981, pero tamén foi un exitoso xadrecista, que defendeu as cores do Deportivo nesta modalidade durante case unha década.

Aínda que alcanzou maior transcendencia a través da política, Domingos Merino foi un dos xadrecistas máis notables do equipo deportivista, xunto ao Gran Mestre Internacional Jesús Díez del Corral, e sen dúbida o máis famoso. Merino foi compoñente do primeiro conxunto de xadrez do RC Deportivo (1965), co que foi medalla de bronce en dúas ocasións (1972 e 1973) no Campionato de España Absoluto Individual e gañou en 5 ocasións o campionato galego, tamén en categoría individual.

O RC Deportivo desexa transmitir os seus máis sinceras condolencias a familiares e amigos de Domingos Merino.

Historia seccións deportivas RC Deportivo

Historia sección de xadrez RC Deportivo