Finalizado o partido en Viveiro, un clásico da pretemporada branquiazul, Carballo será a próxima cita na Dépor Xira 2021.
O partido ante o Bergantiños CF, equipo recentemente ascendido a Segunda RFEF, xogarase este mércores 4 ás 19:00 horas no campo das Eiroas. Mañá domingo 1 de agosto haberá xornada de descanso para o Dépor, que se adestrará de novo o luns 2 de agosto ás 10:30 en Abegondo.
Até agora os dous primeiros rivais nesta pretemporada foron de Terceira RFEF (Racing Villalbés e Viveiro CF). O Dépor sobe pois un banzo no nivel de esixencia en Carballo fronte a un equipo de categoría superior.
O calendario de pretemporada do Deportivo é o seguinte:
RC Villalbés 1 - RC Deportivo 2 (De Vicente e Miku)
Viveiro CF 0 - RC Deportivo 4 (Alberto Quiles -2-, Héctor e Gandoy)
Bergantiños FC - RC Deportivo, mércores 4 de agosto, 19:00 h. As Eiroas
RC Deportivo - SD Ponferradina, domingo 8 de agosto, 20:00 h. ABANCA-RIAZOR (Trofeo Teresa Herrera)
