A xogadora do Deportivo ABANCA B Sara Álvarez está citada para uns adestramentos da selección española sub-17.
Ditas sesións serán do luns 28 ao mércores 30 de outubro na Cidade do Fútbol de Las Rozas (Madrid), co que a futbolista branquiazul non se perderá ningunha cita ligueira do seu equipo no grupo 1º de Primeira Nacional.
Sara Álvarez é unha das deportivistas internacionais nas categorías inferiores da selección española, do mesmo xeito que Teresa Abelleira, María Méndez ou Carlota Sánchez.
O cadro branquiazul conta ademais con tres internacionais venezolanas en categoría absoluta: Kika, Gaby e Michelle Romero.
