Tere Abelleira, unha das capitás do Deportivo Abanca, foi convocada pola Selección Española Sub-17 para uns adestramentos na Ciudad del Fútbol de Las Rozas (Madrid), do luns 20 ao mércores 22 de febreiro.
Desta forma, o Deportivo Abanca suma outra xogadora nas categorías inferiores da Selección Española, posto que esta campaña, Nuria Rábano foi citada en varias ocasións pola Sub-19.
Tere Abelleira, unha das fixas de Manu Sánchez no once inicial deportivista, é tamén habitual na Selección Galega Sub-18, coa que acaba de participar na Segunda Fase do Campionato de España de Seleccións Territoriais, disputado no País Vasco.
