Futbolistas, técnicos, membros do Consello de Administración e persoal directivo do Real Club Deportivo participaron esta mañá na sala de prensa de Abegondo nun Curso de Integridade, impartido por Pedro Varas, responsable de Integridade de La Liga de Fútbol Profesional.
A xornada abordou fundamentalmente aspectos relacionados coa predeterminación e manipulación de resultados deportivos e as apostas deportivas. Neste programa de LaLiga participan todos os equipos de LaLiga Santander e LaLiga 1|2|3.
Posteriormente, o asesor xurídico e responsable de cumprimento normativo do Club, Óscar Rama, repasou brevemente o Código Ético da entidade e todos os protocolos internos de cumprimento normativo desenvolvidos, aprobados e implantados desde a pasada tempada e que aplican a todos os empregados do Real Club Deportivo.
