En función das novas medidas publicadas no DOGA por parte da Xunta de Galicia, a Escola RC Deportivo, con sedes en Coruña, Boiro e Caranza, retomará as súas actividades baixo o protocolo específico de prevención e seguridade anti-COVID. Os adestramentos comezarán o luns 1 de marzo en Alvedro e Boiro e o mércores día 3 en Caranza.
Debido ás restricións de mobilidade entre concellos de distinto nivel e para garantir a calidade dos adestramentos cun número de grupos adecuado, a Escola RC Deportivo de Bertamiráns deberá esperar uns días máis para poder retomar a actividade con totais garantías.
A Fundación RC Deportivo, organizadora desta actividade, agradece a todas as familias dos participantes a súa comprensión e espera neste mes de febreiro para poder retomar os adestramentos con seguridade.
