A Federación Española, co obxectivo de "preservar o normal desenvolvemento da competición", decidiu adiantar "á primeira data dispoñible" o partido aprazado no seu día correspondente á 17ª xornada entre o CD Olímpico de León e o Deportivo ABANCA B. Así, en lugar do mércores 13 de abril, como estaba inicialmente previsto polo órgano federativo, o encontro terá lugar o mércores 23 de marzo ás 17:00 horas.
O outro choque aprazado do filial branquiazul, ante o CF Versalles en Abegondo, correspondente á 16ª xornada, xogarase este sábado 19 de marzo ás 16:15 en Abegondo aproveitando o parón ligueiro no grupo 1º de Primeira Nacional.
Pendente de recuperar estes dous partidos aprazados, o Deportivo ABANCA B marcha na quinta posición da táboa con 34 puntos.
