O Xuíz Único de Competición da Federación Galega de Fútbol fixou para o domingo 13 de xuño ás 12:00, en horario unificado, a 5ª e última xornada da segunda fase da Liga Nacional, grupo 1C de ascenso. Nesta última cita en Abegondo, Xuvenil B e RC Celta B poderían xogarse o título da categoría.
Iso si, se o Xuvenil B imponse na 4ª xornada (penúltima), ao Coruxo FC no campo de Fragoselo (Vigo) este sábado 5 de xuño ás 13:00 horas, sería xa virtualmente campión e obrigaría ao RC Celta B a gañar de goleada en Abegondo para superar na clasificación aos branquiazuis.
Deportivistas e célticos marchan igualados á fronte da táboa con 58 puntos, aínda que os pupilos de Alejandro Antón e Aldo Duscher teñen pendente o citado encontro ante o Coruxo FC.
