Tere Abelleira, capitá do Deportivo Abanca e flamante subcampioa de Europa Sub-17, ten previsto aterrar esta tarde ás 20:00 no Aeroporto da Coruña.
Na mesma terminal do aeroporto coruñés, a centrocampista branquiazul recibirá o agarimo dos afeccionados, para celebrar sen dúbida un gran éxito do fútbol feminino galego.
O Deportivo Abanca disputa este domingo o 'Memorial Fernando Gordo' en Ávila
O Deportivo Abanca xoga este domingo 21 de maio ás 12:00 a primeira edición do 'Memorial Fernando Gordo'. O escenario do encontro será o Estadio Adolfo Suárez de Ávila, co Club Casa Social Católica como rival.
Para preparar este encontro, Manu Sánchez, técnico deportivista, planificou tres sesións de adestramento esta semana:
Martes 16 de maio 20:30: Adestramento en Arteixo
Xoves 18 de maio 20:30: Adestramento en Abegondo
Venres 19 de maio 19:00: Adestramento en Abegondo
Nuria Rábano, desde hoxe luns ata o mércores coa Selección Española Sub-19
A atacante do Deportivo Abanca, Nuria Rábano, atópase concentrada coa Selección Española Sub-19, nunhas xornadas de adestramento na Ciudad del Fútbol de Las Rozas (Madrid), desde hoxe luns 15 de maio ao mércores 17 de maio.
Por conseguinte, a atacante deportivista incorporarase de novo o xoves á disciplina branquiazul.