A conta oficial en twitter da UEFA anunciou este mediodía o regreso da Youth League.
Pois ben, o máximo organismo do fútbol europeo apoiouse no Dépor lembrando con fotos o partido ante o Maccabi Haifa en ABANCA-RIAZOR, correspondente á ida da segunda eliminatoria da Ruta de Campións Nacionais, que supuxo con 12.189 espectadores a quinta maior asistencia de afeccionados en toda a historia da competición. Por este feito, a UEFA cualifica de "fantástico" o alento de #ANOSAFORZA.
O Xuvenil A disputará o partido de volta ante o equipo israelí, cun 5-1 de renda para os branquiazuis logrado no citado choque de ida, o mércores 8 de decembro ás 16:00 no Sammy Ofer Stadium de Haifa.
