RCDeportivo RCDeportivo RCDeportivo
Skip to main content
GL
PORTADA

A UEFA sitúa ao Dépor no posto 51 do ranking histórico da Liga de Campións

A UEFA acaba de elaborar un ranking histórico da Liga de Campións, a competición de clubs máis prestixiosa do mundo. Están presentes na devandita clasificación histórica todos os equipos que participaron desde 1957 ata 2017, primeiro baixo a denominación de Copa de Europa.

O Dépor, que participou cinco temporadas consecutivas (desde a campaña 2000-2001 á 2004-2005), está clasificado no posto 51, só superado por estes clubs españois: Real Madrid (1º), Barcelona (3º), Atlético de Madrid (22º) e Valencia (26ª).

Quedan por detrás do Deportivo, entre outros, Sevilla (74º), Villarreal (105º), Athletic (108º), Real Sociedad (121º) ou Málaga (154º).

Na retina de todos os afeccionados están presentes, de seguro, algúns dos partidos protagonizados polos futbolistas branquiazuis que asombraron ao continente, como o 2-3 ao Bayern Múnic no Olympiastadion (temporada 2002-2003); o 0-2 ao Arsenal en Highbury (2001-2002); o 2-3 ao Manchester United en Old Trafford (2001-2002), a remontada ao PSG en Riazor, de 0-3 a 4-3 en 45 minutos (2000-2001); ou a remontada ao Milan na Coruña (4-0), que levou ao Dépor ás semifinais da Liga de Campións da Temporada 2003-2004.