RCDeportivo RCDeportivo RCDeportivo
Skip to main content
GL
PORTADA

Horarios da 4ª e 5ª xornadas de LaLiga 1|2|3 e da 2ª eliminatoria da Copa do Rei

LaLiga fixo públicos os horarios da 4ª e 5ª xornadas de LaLiga 1|2|3, na que o Deportivo recibirá no Estadio ABANCA-RIAZOR ao Sporting de Gijón e visitará ao Alcorcón, e a 2ª eliminatoria da Copa do Rei, na que os herculinos visitarán ao Zaragoza.

O partido ligueiro fronte ao cadro asturiano disputarase o domingo 9 de setembro ás 20:45 horas e será televisado por Movistar Partidazo.

O encontro do torneo do KO, en eliminatoria a partido único en campo maño, celebrarase o mércores 12 de setembro ás 21:00 horas. O partido poderá verse en aberto a través de Gol.

O sábado 15 de setembro, ás 20:00 horas, o conxunto branquiazul visitará o estadio de Santo Domingo para medirse á formación alfarera, coas cámaras de LaLiga 1|2|3 TV como testemuñas.

LaLiga informa de que todos os horarios están suxeitos a cambios en función da previsión de temperaturas.

Horarios confirmados dos partidos do Deportivo:

Xornada 1, venres 17 de agosto, 22:00 horas, Carlos Belmonte: Albacete - Dépor (Gol)

Xornada 2, venres 24 de agosto, 20:00 horas, Francisco de la Hera: Extremadura UD - Dépor (LaLiga 1|2|3 TV)

Xornada 3, sábado 1 de setembro, 20:30 horas, Heliodoro Rodríguez López: CD Tenerife - Dépor (LaLiga 1|2|3 TV)

Xornada 4, domingo 9 de setembro, 20:45 horas, ABANCA-RIAZOR: Dépor - Sporting de Gijón (Movistar Partidazo)

Copa do Rei (segunda eliminatoria), mércores 12 de setembro, 21:00 horas, La Romareda: Zaragoza - Dépor (Gol)

Xornada 5, sábado 15 de setembro, 20:00 horas, Santo Domingo: Alcorcón - Dépor (LaLiga 1|2|3 TV)