O Dépor adestrouse esta mañá en Abegondo nunha sesión de alta intensidade física, como preámbulo do ensaio xeral de mañá xoves 15 de outubro en ABANCA-RIAZOR (10:30 horas) do primeiro partido ligueiro ante o Salamanca CF UDS (domingo 18 de outubro, 19:00 horas).
Fernando Vázquez dividiu ao seu cadro en 2 grupos tralo quecemento e rondos. Mentres un dos grupos disputaba un partido en espazo reducido no campo 2, o outro se sometía a un test físico no campo 3 supervisado polo preparador físico Manuel Pombo.
Un partido a tres cuartas partes do campo 2, xa todos xuntos; e unha tarefa de finalizacións para os dianteiros puxeron o punto e final ao adestramento sobre o céspede.
Co fabrilista Alberto acompañando a Carlos Abad e Lucho García, Fernando Vázquez contou con todo o seu cadro sobre o céspede. Retirouse antes de concluír Rui Costa, con algunha molestia nunha coxa, pendente de evolución nas próximas horas.
