Nada máis aterrar no Aeroporto da Coruña procedente de Madrid, a expedición do RC Deportivo adestrouse na Cidade Deportiva de Abegondo.
Os titulares onte en Butarque, ademais de Bóveda e Muntari, tiveron traballo de recuperación, con ximnasio, tratamento médico e de fisioterapia.
Os demais futbolistas si saltaron ao céspede. Foi o caso de Fernando Navarro, Cartabia, Andone, Carles Gil, Sidnei, Krohn-Dehli, Fede Valverde, Bakkali, Borja Vale e Gerard Valentín.
Para todos eles houbo un circuíto físico, dirixido polo preparador físico Xullo Hernando. Os gardametas Tytoń e Koval adestráronse ás ordes do técnico de porteiros, Manu Sotelo.
Haberá descanso mañá domingo e o luns. O equipo volve aos adestramentos o martes ás 17:00 horas en Abegondo.
