RCD / NOVAS

Un exercicio co Xuvenil A, tarefa principal esta tarde no campo 3 de Abegondo

13/03/2018 20:29

Clarence Seedorf recrutou ao Xuvenil A para o adestramento vespertino do Deportivo no campo 3 da Cidade Deportiva.

Tras un quecemento, o técnico holandés dividiu aos seus futbolistas en dous grupos: defensas e centrocampistas defensivos nun lado do campo; e atacantes e dianteiros noutro.

Os dous grupos traballaron con senllos grupos do equipo xuvenil, este baixo a dirección de Rubén Coméndez e o seu equipo técnico.

Estiveron á marxe do grupo Fede Valverde, Fede Cartabia, Luisinho e Eneko Bóveda.

Mañá haberá dobre quenda de adestramento. O matinal arrincará ás 12:30 en Abegondo.

Adestramento por liñas no Dépor, esta mañá en Abegondo

O Deportivo tivo un adestramento por liñas esta mañá na Cidade Deportiva de Abegondo, a porta pechada.

Así, ás 12:00 horas traballaron os defensas e Tytoń, incluído o fabrilista Lucas e o central xuvenil Mujaid.

A quenda para os atacantes, e o meta Rubén, foi ás 12:45 horas; e os centrocampistas, ademais de Koval, arrancaron ás 13:30 horas.

O traballo consistiu fundamentalmente nun intenso circuíto físico con balón.

Estiveron á marxe do grupo Fede Valverde, Fede Cartabia, Luisinho e Bóveda.

Pola tarde, todo o cadro saltará ao céspede a partir das 18:00 horas.

RCD / AXENDA

20 FEB

Mércores 11:00 Abegondo

Adestramento

Campos 2-3

21 FEB

Xoves 11:00 ABANCA-RIAZOR

Adestramento

Porta pechada

22 FEB

Venres 11:00 Abegondo

Adestramento

Campos 2-3

23 FEB

Sábado 11:00 Abegondo

Adestramento

Campos 2-3

24 FEB

Domingo 18:00 La Rosaleda

Partido

Xornada27 Málaga CF - RC Deportivo