Ainoa Campo Franco (Calahorra de Boedo, Palencia, 17 de xuño de 1996) converteuse esta mañá, día dos seu aniversario, na cuarta fichaxe do Dépor ABANCA para a temporada 2020-2021.
A centrocampista palentina, internacional española en todas as categorías inferiores, procede de CD Tacón, onde a pasada temporada foi titular en 19 dos 21 partidos disputados. Rayo Simancas, Parquesol, Atlético de Madrid, Rayo Vallecano e Madrid CFF son os equipos nos que militou a xogadora desde que aos 15 anos iniciou a súa carreira.
A fichaxe de Ainoa é o cuarto do Deportivo ABANCA após os de Stephannie Blanco, Noelia Bermúdez e Helena Torres, ademais das renovacións de Sullastres, Peke, Athenea, Cris, Alba Merino, Noelia Villegas, Carlota Sánchez, Sara Álvarez e Patri López.