Nesta liña, o central deportivista apunta que "estamos no camiño bo. O outro día fixemos un partido bo, tivemos máis posesión que o Athletic, tivemos máis pases que o Athletic, moitísimas máis recuperacións. E iso é difícil porque é un equipo que vai adiante, que vai de fronte, aperta arriba, vai a matar".
Sobre o que será o seu probable compañeiro no eixo da zaga branquiazul este luns en Vitoria, Alejandro Arribas lembrou que "xogara xa bastantes partidos con el en pretemporada. O outro día tamén. Levamos tres partidos e a competir. Un máis".
Preguntado por Ryan Babel, que hoxe completou o seu primeiro adestramento co Deportivo en Abegondo, subliñou que "ten boa pinta. Ten moita ilusión e con moitas ganas".
Achega do próximo rival na liga Santander este luns 19 de setembro ás 20.45 en Mendizorroza (Bein Sports), Albentosa opina que "ata agora fixo un bo papel. O partido do Atlético de Madrid, o partido do Barcelona, contra o Sporting en casa. Cando é un recentemente ascendido ao principio custa saber como xogan, os xogadores son todos moi novos e non estiveron en España. Entón se cadra ese 'hándicap' á hora de contrarrestar téñeno".
Recoñece que o seu triunfo no Camp Nou ante o poderoso Barcelona o pasado fin de semana "dáche un plus máis de vitamina no aspecto de que gañaron a un dos mellores equipos do mundo. Non creo que vaian saír relaxados, e máis na súa casa".
