RCD / NOVAS

Albentosa: 'Cando me falaron do proxecto que había aquí non mo pensei'

O novo central deportivista Raúl Albentosa Redal (Alcira, Valencia, 7 de setembro de 1988) superó esta mañana o recoñecemento médico no Hospital HM Modelo da Coruña e firmó o contrato que o vincula ao Dépor durante as próximas catro tempadas.

11/07/2016 13:11

Nas súas primeiras declaracións aos medios de comunicación, confesou que "cando me falaron do proxecto que había aquí non mo pensei. E máis estando quen sabedes que está (por Gaizka Garitano), que me chamou e comentoume da situación. E moi contento a verdade". "Moi contento por vir a este gran Club", reitera.

Lembra precisamente sobre Garitano que "foi el o que me relanzou no seu momento. Aparte que lle debía unha de cando me fun de alí" (do Eibar ao fútbol inglés en metade da tempada 2014-15).

Albentosa manifestou que "compañeiros que tiven que son de aquí faláronme da cidade deportiva que é unha pasada e da cidade, que é unha cidade incrible. O único é que me dixeron que vou ter choiva. Pero estou adoitado xa".

Explica que asina por catro anos porque "en catro anos penso que podemos facer algo bonito, que é o que quero". "Vou facer 28 anos, teño unha familia, xa non vou só. Unha estabilidade nun club grande, no que se poida facer algo máis que a permanencia, era o que me trouxo aquí", engade.

Máis novas de: ALBENTOSA