Albert Lopo despídese do Real Club Deportivo visiblemente emocionado

Quixese empezar dando as grazas por ese fenomenais cinco anos da miña vida que pasei na Coruña e no Real Club Deportivo. Non só me sentín como en casa, senón que para min, esta cidade e este club son xa a miña propia casa.

Grazas ao Presidente e ao seu Consello de Administración, que apostaron moi forte pola miña fichaxe. Grazas a todos os adestradores, médicos, fisioterapeutas, utilleros, persoal do club, de Abegondo e de Riazor.

Moitas grazas aos meus compañeiros. Eles fixéronme gozar e madurar na miña profesión. Tivemos malos momentos, pero pasámolos unidos. Podo dicir ben alto que o vestiario do Deportivo é do mellor que vin na miña carreira profesional.

Grazas a vós, os medios de comunicación. Tivemos os nosos pequenos desencontros pero lévome un gran recordo de todos vós. Oxalá que volvades a próxima tempada a Primeira División co equipo. Merecédesvolo.

Por suposto grazas á afección, a esta grandísima afección branquiazul, sen dúbida o gran patrimonio do Deportivo. Foron un exemplo nos bos e nos malos momentos; pero sobre todo nos malos momentos. Sempre nos apoiaron, quixéronnos e iso, un futbolista non o esquecerá xamais.

Grazas á cidade da Coruña, en verdade unha cidade na que ninguén é forasteiro, como di a súa lema. Os coruñeses tratástesme cun agarimo extraordinario e fixéstesme sentirme como na miña casa.

Agora, o fútbol, a miña profesión, lévame a outra cidade, pero seguirei apoiando desde a distancia ao Deportivo para que a tempada próxima regrese a Primeira División, que é a categoría que se merece o club, a súa afección e a cidade.

Son un deportivista máis. Xa o sabedes. Forza Dépor!