Finalmente Celso Borges non se recuperou a tempo da escordadura no seu nocello dereito e será baixa para o encontro do sábado 25 de febreiro en Leganés (18:30, Bein Sports). Gaizka Garitano afronta o encontro con 19 futbolistas, coa presenza dos tres porteiros; ademais do regreso dun dos capitáns, Álex Bergantiños, e de Ola John.
Esta mañá o equipo adestrouse en Riazor, a porta pechada, co fabrilista Nacho Monsalve.
Os futbolistas traballaron a posesión, os remates a portería e as accións a balón parado. A sesión completouse cun partido once para once.
O Deportivo viaxa esta tarde a Madrid, segundo esta folla de ruta:
Venres 24 de febreiro
18:00: Saída do voo chárter do Aeroporto da Coruña con destino ao Aeroporto Adolfo Suárez (Madrid)
19:00: Chegada aproximada a Madrid e aloxamento no Hotel Meliá Los Galgos
Sábado 25 de febreiro
18:30: Leganés - Deportivo, no campo de Butarque
22:30: Saída do voo chárter do Aeroporto Adolfo Suárez de Madrid
23:30: Chegada aproximada ao Aeroporto da Coruña
