O centrocampista coruñés do Dépor, Álex Bergantiños, recibiu este mediodía na Cidade Deportiva de Abegondo o premio ao xogador Estrella Galicia de marzo, galardón que conceden cada mes os afeccionados do Deportivo entre o tres candidatos que propoñen os medios que cobren a información do Dépor.
O capitán deportivista impúxose a outro dos portadores do brazalete e gañador do mes de febreiro, Germán Lux e a Celso Borges. Dos 2315 votos emitidos en Twitter, Bergantiños levou o 46%, por un 40% de Lux e un 14% de Borges. En Facebook Álex recibiu 110 votos (63%), Germán 51 (29%) e Celso 13 (8%).
Álex Bergantiños regresou á primeira liña de competición no mes de marzo, disputando 4 partidos, acumulando 264 minutos e marcando o gol que deu os 3 puntos ao equipo fronte ao FC Barcelona.
O xogador da Sagrada Familia une o seu nome aos de Emre Çolak (setembro, outubro e xaneiro), Florin Andone (novembro e decembro) e Germán Lux (febreiro) como Xogador Estrella Galicia 2016-2017 no RC Deportivo.
