RCDeportivo RCDeportivo RCDeportivo
Skip to main content
GL
PORTADA

Alta intensidade no adestramento desta mañá do Deportivo

O Deportivo adestrouse esta mañá en Abegondo nunha sesión de alta intensidade. Para iso, Pepe Mel dispuxo para un grupo partidos en espazo reducido, dun contra un, dous contra dous, e tres contra tres. Mentres o outro grupo realizaba un circuíto físico de forza.

Un partido once para once con tarefas puxo o punto e final ao adestramento sobre o campo.

Adestráronse á marxe Fede Cartabia e Borja Galán. Celso Borges, Fayçal Fajr, Andone, Çolak e Juan Domínguez, tras pasar as probas médicas rutineiras, adestráronse por primeira vez esta pretemporada baixo a supervisión do preparador físico José Ángel Franganillo.

O equipo está citada de novo mañá xoves ás 10:00 en Abegondo.

Pola tarde, ás 19:30, o Dépor disputará o seu primeiro amigable de pretemporada. Será no campo da Magdalena de Villalba ante o Racing Villalbés (Terceira División). A directiva do club lucense fixou en 5 euros os prezos das entradas para o público.