O fisioterapeuta do Real Club Deportivo, Adán Carbó, compartiu dúas sesións de formación con alumnos de primaria, ESO e Bacharelato do colexio Escravas para trasladarlles consellos sobre hábitos saudable orientados á práctica de actividades deportivas.
A actividade, organizada polo departamento de educación física do colexio, tivo lugar no salón de actos do centro formativo situado no lugar no que ata os anos 40 se atopaba o campo no que o Deportivo xogaba os seus partidos, o parque de Riazor.
Os alumnos estiveron moi participativos e o acto concluíu cunha gran cantidade de preguntas pola súa banda. O Deportivo, consciente da importancia da súa actividade social, continúa, deste xeito, a través dos profesionais das súas diferente áreas, prestando apoio formativo ás institucións da súa contorna que llo solicitan.