RCD / NOVAS

Amplo programa de actos, mañá sábado, con motivo do decano dos torneos estivais, o Teresa Herrera

09/08/2019 12:53

Mañá sábado 10 de agosto, día da disputa do Trofeo Teresa Herrera 2019 en plena semana grande de festas da Coruña, está programada unha intensa axenda de actos protocolarios e deportivos en torno ao decano dos torneos estivais, que alcanza a súa septuaxésimo cuarta edición en categoría masculina e a sétima en feminina.

A xornada arrinca na Igrexa de San Nicolás, onde descansan os restos da benefactora coruñesa Teresa Herrera, para continuar no Palacio Municipal de María Pita ás 13:45 horas, coa recepción municipal a cargo da alcaldesa, Inés Rei, aos equipos participantes. Após ambos os actos e a comida oficial dos equipos e o Concello, toda a actividade trasládase ao Estadio Municipal ABANCA-RIAZOR.

A axenda completa de actos é a seguinte:

13:00 h.: Ofrenda floral a Teresa Herrera na Igrexa de San Nicolás por parte da concelleira de Turismo, comercio e mercados, Diana Sobral, acompañada de membros da corporación municipal, directiva do Real Club Deportivo e demais clubs participantes.
13:45 h.: Recepción da corporación aos equipos participantes no salón de plenos do Palacio Municipal de María Pita.
16:30 h.: Finais do Mini Teresa Herrera en categorías prebenxamín e benxamín no Estadio Municipal ABANCA-RIAZOR.
18:30 h.: VII Trofeo Teresa Herrera Feminino: Deportivo ABANCA - UD Granadilla Tenerife.
20:15 h.: Entrega de trofeo á Xogadora Estrella Galicia do VII Trofeo Teresa Herrera Feminino e entrega de trofeos de subcampioas e campioas.
20:30 h.: Ofrenda floral aos Deportivistas Eternos nas estatuas de Chacho, Luis Otero e Juan Acuña da rúa Manuel Murguía a cargo de Francisco Martínez Zas, Inés Rei e Manuel Ríos Quintanilla "Manolete" (Presidente da Asociación de veteranos do RC Deportivo).
21:00 h.: LXXIV Trofeo Teresa Herrera Masculino: Deportivo - Real Betis.
23:15 h.: Entrega de trofeo ao Xogador Estrella Galicia do LXXIV Trofeo Teresa Herrera e entrega de trofeos de subcampións e campións.