Florin Andone, que onte quedou no ximnasio, adestrouse esta mañá con normalidade co grupo e entrou na lista de 18 xogadores convocados para o partido de mañá luns 5 de decembro en Riazor ante a Real Sociedad (20.45, Gol TV). Os futbolistas citados concéntranse mañá luns ás 13.00 horas no Hotel Meliá María Pita.
Esta mañá en Abegondo, o Dépor traballou a posesión e as finalizacións. Un partido once para once, cos fabrilistas Borja Domingo e Hugo Díaz, puxeron o punto e final ao adestramento sobre o céspede. Laure e Bruno Gama adestráronse á marxe, co readaptador Fran Molano.
Tras o partido ante a Real Sociedad, Garitano citou ao seu persoal de novo en Abegondo o mércores 7 de decembro ás 10.30 en Abegondo.
