RCD / NOVAS

Andrade:'O descanso veunos ben en todos os sentidos'

Jorge Andrade compareceu esta mañá na sala de prensa de 'O Mundo do Fútbol'. O central portugués recoñeceu que "despois das vacacións, sempre custa un pouco volver empezar". Iso si, para el, "veunos moi ben este parón. Tanto a nivel físico, por exemplo neste ano eu case non tiven vacacións, como a nivel mental, estar coa túa familia pódenos axudar a cambiar outra vez a dinámica".

05/01/2005 20:37

Para Andrade, o equipo ten que recuperar a dinámica dos triunfos, aínda que sen obsesionarse co traballo defensivo: "Vale igual se por exemplo en Mallorca gañamos por dous goles a tres". O internacional portugués cre que o equipo chegará ao final nos postos de arriba e concluíu que "se non somos capaces de chegar á Champions, si tentaremos estar polo menos o ano que vén na Copa da UEFA".

Máis novas de: ANDRADE

RCD / Noticias Relacionadas

10/07/2007 21:22 |

Andrade: Grazas a todos. Fun moi feliz no Deportivo

As despedidas sempre son tristes. Con todo, lévome da Coruña e do Real Club Deportivo unha chea de recordos, moitos e bos amigos e sobre todo o agarimo dunha cidade irmá ao meu país e o recoñecemento duns afeccionados que sempre me apoiaron, aínda nos malos momentos.

06/07/2007 20:26 |

Deportivo e Juventus chegan a un principio de acordo para o traspaso de Jorge Andrade

O Real Club Deportivo e a Juventus chegaron hoxe a un principio de acordo para o traspaso do futbolista portugués Jorge Andrade ao cadro italiano. O internacional portugués desprazarase nos próximos días a Turín para formalizar a súa incorporación ao histórico club italiano. Jorge Andrade chegou ao Deportivo na tempada 2002-03 procedente do O Porto de Portugal. Disputou no Deportivo un total de 157 partidos oficiais entre Liga, Champions League, Copa Intertoto e Copa do Rei e anotou tres goles, un deles, ante o Newcastle en Riazor na Copa Intertoto da tempada 2005-06, de moi bela factura.

25/05/2007 11:49 |

Coloccini volve á Selección Arxentina para un amigable en Suíza

O central deportivista Fabricio Coloccini foi citado pola Selección de Arxentina para disputar, o vindeiro sábado 2 de xuño en Basilea, un amigable ante Suíza. Por conseguinte, Coloccini únese a Andrade, Estoyanoff, Aouate, De Guzman, Bodipo e Adrián, con compromisos internacionais; ademais da preconvocatoria de Barragán e Fabricio para o Campionato do Mundo Sub-20.