RCDeportivo RCDeportivo RCDeportivo
Skip to main content
GL
PORTADA

Ao Fabril escapóuselle o partido no 95

O Fabril caeu derrotado (2-1) en Castro de Rei (Lugo) grazas a un tanto do centrocampista local Iván González no minuto 95 desde o medio do campo, aproveitando a posición adiantada do meta fabrilista Alex Cobo e do resto de xogadores branquiazuis.

O partido arrincou ben para o filial deportivista, que ao cuarto de hora xa se puxo por diante no marcador grazas a un gol de Borja Domingo. Empatou o conxunto lucense á media hora, quizais ao adaptarse mellor ás condicións do terreo de xogo, moi irregular, o que prexudicou claramente ao Fabril, superior tecnicamente ao seu rival.

Con este resultado, o Fabril queda con 29 puntos no grupo de cabeza da Terceira División.

Fabril: Alex Cobo, Quique Fornos, Arnau, Nacho Monsalve, Lucas, Edu Expósito, Óscar, Queijeiro, Borja Domingo, Manu Molina e Borja Galán. Tamén xogaron: Blas e Alex Corredera.

O vindeiro domingo 11 de decembro, o Fabril recibe en Abegondo ao As Pontes, a partir das 12.00 horas.

Os resultados do Fabril son os seguintes:

Fabril 5 (Óscar -5-) - Compostela 1
Fabril 1 (Jorge Carreón) - Bergantiños 2
Fabril 1 (Óscar) - Silva 1
Barco 2 - Fabril 3 (Bamba, Óscar e Borja Galán)
Fabril 1 (Borja Galán) - Arousa 2
Ordes 0 - Fabril 3 (Borja Domingo -2- e Hugo Rama)
Fabril 2 (Óscar e Blas) - Villalonga 1
Rápido de Bouzas 2 - Fabril 0
Fabril 4 (Nacho Monsalve, Borja Domingo -2- e Borja Galán) - Choco 2
Cerceda 1 - Fabril 1 (Nacho Monsalve)
Fabril 2 (Borja Domingo e Manu Molina) - Negreira 1
Barbadás 1 - Fabril 0
Racing Vilalbés 1 - Fabril 0
Fabril 5 (Borja Galán, Óscar -2-, Jardel e Borja Domingo) - Ribadumia 0
Céltiga 0 - Fabril 2 (Edu e Jardel)
Fabril 2 (Borja Galán e Óscar) - Alondras 0
Castro 2 - Fabril 1 (Borja Domingo)