Ao Fabril, que aínda non encaixou un só gol en liga, faltoulle fortuna para dobregar ao Arenteiro
O Fabril empatou (0-0) na súa visita ao CD Arenteiro, nun partido, correspondente á 3ª xornada ligueira en Terceira División, no que ao filial deportivista lle faltou fortuna en ataque para traerse os 3 puntos en xogo.
Neste arranque ligueiro, os pupilos de Luisito sobresaen en tarefas defensivas, posto que non encaixaron un só gol nos 3 partidos xogados, 2 deles lonxe de Abegondo.
A primeira parte no Carballiño foi de dominio fabrilista, cun gol anulado a Mario Losada nunha decisión arbitral polémica. Após o descanso, o xogo equilibrouse e as defensas impuxéronse ás dianteiras.
Con este resultado, o Fabril suma 5 puntos de 9 posibles e sitúase xa na zona alta da táboa.
Fabril: Álex Cobo, Valín, Mujaid, Bourdal, Martí Vilà, Gandoy, Jawed Boumeddane, Aarón Sánchez, Villares, Javi Sánchez e Mario Losada. Tamén xogaron: Novo, Parga e Pedro.
O vindeiro domingo 15 de setembro ás 12:00, o Fabril recibe en Abegondo ao Alondras CF.
Os resultados do Fabril no que vai de competición son os seguintes:
CD Choco 0 - Fabril 0 Fabril 2 (Gandoy e Mario Losada) - Ourense CF 0 CD Arenteiro 0 - Fabril 0