O Xuíz de Competición da Real Federación Española de Fútbol aceptou a solicitude do Real Club Deportivo e confirma o adiamento do próximo partido de Primera Iberdrola do Deportivo ABANCA: o do domingo 10 de xaneiro ás 12:00 h. ante o Real Betis en Abegondo. O Deportivo tamén solicitou o adiamento do encontro do mércores 13 de xaneiro en Madrid fronte ao Rayo Vallecano, correspondente este á 7ª xornada aprazada xa no seu día e espera a resolución do ente federativo.
O motivo é que un total de quince xogadoras do Deportivo ABANCA permanecerán os próximos días en illamento, tal e como estipulan as autoridades sanitarias, ao ser contacto estreito dunha persoa positiva en COVID-19.
