O partido do Xuvenil B en Vigo ante o Coruxo FC, previsto para este sábado 8 de maio e correspondente á 4ª xornada da liga Nacional, grupo C de ascenso, foi aprazado debido a un caso de COVID-19 no vestiario deportivista.
Agora, será o Xuíz de Competición o que estableza unha nova data "o máis próxima posible no tempo, que se determinará axiña que como se acrediten as circunstancias que permitan a disputa do mesmo".
Por este mesmo motivo foi tamén aprazado o encontro da 3ª xornada en Abegondo entre o Xuvenil B e o CD Areosa do pasado 1 de maio.
O Xuvenil B que dirixen Alejandro Antón e Aldo Duscher é líder do grupo con 55 puntos, os mesmos que o segundo clasificado, o RC Celta B, que loxicamente ten un partido máis disputado.
