Aranzubia reparte esperanza entre os desfavorecidos do seu pobo, Fuenmayor
Dani Aranzubia acaba de facer felices aos veciños más desfavorecidos de Fuenmayor, o seu pobo natal na Rioxa. O gardameta deportivista donó o premio de 3.000 euros que recibió pola mellor celebración dun gol da pasada tempada,
A través do seu concurso ‘King Celebration', Burger King –a segunda cadea de restauración de hamburguesas máis grande do mundo- premiou a Daniel Aranzubia por protagonizar unha das estampas máis orixinais durante a pasada tempada 2010-2011. O porteiro branquiazul foi premiado polo seu histórico gol marcado de cabeza ante o Almería, no partido disputado o pasado 20 de febreiro.
O premio de Aranzubia non só destaca o fabuloso gol do porteiro, senón que tamén salienta na celebración posterior ao gol, na que se puido comprobar a gran complicidade e compañeirismo existente entre os xogadores do Dépor.
Un xurado especializado
A ardua decisión para atopar a mellor celebración da tempada foi tomada por un xurado especializado composto polo ex futbolista Hugo Sánchez –quen protagonizase o seu memorable salto mortal para cada un dos seus goles-; o xornalista deportivo e ex director adxunto do diario Marca Amalio Moratalla; Jesús Muñoz, Senior Mercadotecnia Manager de Burger King para Iberia, e Juan Carlos Santamaría, xefe de prensa da LFP.
Pola súa banda, Juan Carlos Santamaría, xefe de prensa da liga Profesional de Fútbol (LFP), afirmou que, tras visionar a recompilación de diferentes celebracións, "o gol de Aranzubia é histórico por ser o primeiro que un porteiro conseguiu marcar de cabeza nas 80 edicións da liga (desde 1929). Ademais, a súa celebración reflicte a unión, o compañeirismo e a complicidade dun vestiario que loita por un obxectivo común ata o final, fundíndose todos nun".
Griezmann e Daniel Benítez no segundo e terceiro posto
Amalio Moratalla, xornalista deportivo do diario Marca, destaca ademais as celebracións que quedaron en segundo e terceiro lugar no ranking: a celebración de Griezmann, da Real Sociedade no seu gol contra o Sporting (18.04.2011) que abraza a un garda de seguridade tras marcar o gol ou o simpático momento no que Daniel Benítez, do Granada, ponse un nariz de pallaso para celebrar o seu tanto ante o Albacete e “sacar uns sorrisos”.
Aranzubia, un dos capitáns do equipo, atópase entre os xogadores máis queridos polo deportivismo. Así, a campaña pasada, os afeccionados que votaron en Canaldeportivo elixírono como mellor xogador do primeiro persoal, con case o 44% dos votos. Segundo clasificado, co 27,89% dos votos, foi Juan Carlos Valerón, un futbolista que sempre está nas primeiras posicións cada verán. Colotto logrou a terceira praza co 5,25%.
