Javier Arizmendi compareceu esta mañá ante os medios informativos na sala de prensa do Mundo do Fútbol. -Sabes xa quen che vai a acompañar este domingo no ataque? -Non. O míster fixo diferentes probas e saberémolo mañá sábado.
-Será diferente xogar con el que con Adrián ou Riki ou Taborda? -Está claro que cada un ten as súas características. É importante que todos demos o mellor de cada un para o equipo.
-O Club inscribiuse na Intertoto. -Pois ao meu paréceme unha boa opción.
-Alguén do Atlético de Madrid púxose en contacto contigo? -Ninguén. E eu deste tema non quero falar ata xuño. Alí xa se verá o que sucede se algo sucede realmente. Eu vivo do presente que é o que vale en fútbol.
-Vén agora o Levante e a Real Sociedade. -Certo. Chegan equipos que de momento podemos cualificar da nosa Liga. Hai que estar centrados no partido inmediato pero é indubidable que se mantemos a boa serie, veremos se poderemos aspirar a algo máis.
-E o Levante que xoga coa defensa adiantada, haberá que ver se aproveitamos os espazos. -Iso está claro. Tentaremos sacar proveito pero non vai ser fácil.
-Cambia a formulación o feito de xogar contra un porteiro, Molina, que vos coñece. -É un gran profesional e un fenomenal porteiro. Eu adestrei medio ano con el. Si que nos coñece ben, pero nós tamén a el.