Arribas adéstrase con normalidade e entra na lista de convocados
Alejandro Arribas adestrouse esta mañá con normalidade e entrou na lista de 18 futbolistas convocados para o partido de mañá sábado (13.00 horas, Bein Sports) na Rosaleda ante o Málaga. No adestramento desta mañá, a porta pechada, o persoal, con Joselu no grupo, traballou os centros e remates, e os movementos ofensivos. Un partido once para once e ensaio de accións a balón parado (saques de esquina e faltas) puxeron o punto e final ao adestramento sobre o céspede.
Babel e Laure tiveron tratamento médico e de fisioterapia; mentres que Borja Vale adestrouse co readaptador, Fran Molano.
Hoxe, os fabrilistas Óscar, Nacho Monsalve, Quique Fornos e Jardel estiveron ás ordes de Gaizka Garitano.
Tras o choque en Málaga, todo o persoal está citada de novo o domingo 27 de novembro ás 10.30 en Abegondo.
Os convocados viaxan a Málaga esta tarde, segundo esta folla de ruta:
Venres 25 de novembro 17.30: Saída do voo chárter do Aeroporto da Coruña con destino Málaga 19.00: Chegada aproximada ao Aeroporto de Málaga e traslado ao hotel Tryp Málaga Alameda
Sábado 26 de novembro 13.00: Málaga - Deportivo na Rosaleda Ao acabar, comida no hotel Tryp Málaga Alameda 18.30: Saída do voo chárter do Aeroporto de Málaga con destino ao Aeroporto da Coruña 20.00: Chegada aproximada ao Aeroporto da Coruña