O Deportivo ABANCA afronta a súa terceira semana de pretemporada co regreso aos adestramentos das súas dúas campioas de Europa sub-19, Teresa Abelleira e Malena Mieres. As dúas gozaron duns días de descanso despois de colgarse a medalla de ouro no torneo celebrado en Suíza o pasado mes de xullo.
Só faltan por incorporarse ao traballo Michelle Romero, con permiso; e Nuria Rábano, que participa este mes de agosto con España no Mundial sub-20 en Francia.
Esta semana haberá unha única cita en forma de amigable para as branquiazuis. Será o domingo 12 de agosto ante o Imperátor (Segunda Autonómica), nos cuartos de final da Copa Deputación.
Manu Sánchez, técnico deportivista, planificou estes adestramentos:
Luns 6 de agosto
Descanso
Martes 7 de agosto
19:00: Adestramento en Abegondo
Mércores 8 de agosto
19:00: Adestramento en Abegondo
Xoves 9 de agosto
19:00: Adestramento en Abegondo
Venres 10 de agosto
17:00: Adestramento en Abegondo
Sábado 11 de agosto
Descanso
Domingo 12 de agosto
Cuartos de final da Copa Deputación, h.s.c.: Imperátor - Deportivo ABANCA