O cinco futbolistas do Deportivo ABANCA que non están confinadas puxeron hoxe sábado punto e final á semana de traballo cunha sesión de recuperación en Termaria Casa da Auga.
O resto de xogadoras do cadro, un total de 15, están a cumprir a pertinente corentena ao ser contacto estreito cunha persoa que é positiva en COVID-19.
Por este motivo, o Xuíz de Competición da Federación Española de Fútbol aprazou o partido ligueiro entre o Deportivo ABANCA e o Real Betis inicialmente previsto para mañá domingo 10 de xaneiro en Abegondo.
O equipo deportivista terá descanso mañá domingo e unicamente o cinco xogadoras non illadas volverán aos adestramentos o luns 11 de xaneiro ás 17:30 en Abegondo, pendentes da decisión da Federación Española sobre a petición de adiamento do encontro deste mércores 13 de xaneiro en Madrid ante o Rayo Vallecano. Este partido corresponde á 7ª xornada que foi aprazado no seu día por COVID-19 no conxunto vallecano.
